今季柏寶因為要出戰墨爾本春季嘉年華多項大賽和處理馬具生意而延遲到香港客串，近日喺佢facebook見到，佢間馬具公司(The Persuader) 有唔少新貨，究竟係咩呢？柏寶就話佢公司推出好多新款馬鞍，而且款式非常精美，現時賣得唔錯，佢最想將旗下產品打入美國市場。之前史文夫嚟香港跑國際騎師錦標賽，亦有幫柏寶買咗個馬鞍，後者希望史文夫返到美國可以幫佢宣傳。至於周六參戰馬，柏寶就話尾場「醉必勝」閹完脾氣都冇咩改善，所以跑唔出水準，不過匹馬始終有質素，今戰成績如何要睇陣上情緒，柏寶就梗係想食尾糊，馬場商場兩得意。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24