【本報訊】大節當前，不想做「My盛Lady」的單身女士急謀對策。今年聖誕前的極速約會（Speed Dating）較去年激增一倍，而且參加的女士們質素大有提升，最年輕只有19歲，大多懂得打扮。
記者：龔蕙芝
「神刁」都可遇上善男？這只是肥皂劇橋段。沒有黃子華幫手的盛女，不少都積極脫離「My盛」行列。極速約會公司Colour Match負責人鍾先生表示，今年12月參加極速約會的人數，比去年多出一倍，要做17場才夠應付，去年則只辦了9場。本港的極速約會，一般都以女性參加者為多。
鍾先生指出，參加者中，最年輕女士為一名19歲大學生，而受電視節目影響，參加的女士都比以往更注重儀表，「參加者有八成以上係高於標準，好多男參加者都話（參加女士）比想像中好」；至於男士質素，則保持一貫水準。
另一公司緣來如始指，參加人數「多到做唔切」。One and Only負責人譚先生也表示，參加人數明顯增多，由以往每月3、4場，增至11、12月的每月7、8場。
「今年女仔好識打扮」
214 Dating負責人陳小姐也表示，「今年提早到11月就開始爆場，人數比去年同期多咗三成；12月有幾日仲要一日搞兩場，以前未試過」，一些受歡迎日子，如聖誕前正日，有些女參加者更要排候補位置。
她又指今年情況特別，不但提早報名，就連參加的女士亦非常年輕，最細只有20歲，「以前參加嘅女士多數只係斯文素顏，都要提點打扮技巧，但今年嘅女仔係好識打扮」。
年僅24歲、已參加過兩次極速約會的Joey說：「出嚟做嘢一段時間都搵唔到男朋友，唔擴闊圈子，真係驚會搵唔到，乜嘢方法都試吓。」她驚訝地發現，參加極速約會的女士絕非醜女「豬扒」，反而質素很高，「我識唔到男仔呀，不過同兩個醫生、律師嘅女仔做咗朋友」。
形式轉變 引入遊戲
業內普遍認為，在電視節目和劇集的推動下，市民現時已較接受極速約會，覺得藉此結識異性也無不可，並且也更明白打扮的重要。
此外，極速約會的形式也開始轉變，不少公司引入密室逃脫、Board game（棋類遊戲）等遊戲活動，甚受歡迎。「啲人唔鍾意Table for six（六人約會）就係怕尷尬，但𠵱家大家參加好自然只係玩，冇『諗話題』嘅負擔」，One and Only譚先生說。
昨晚一個約40人的極速約會上，記者所見，女參加者的質素果然不俗，年輕斯文，多數廿來歲，頂多31、32歲；男參加者的年齡相差似乎較大，由25、26至近40歲都有。女士有固定座位，男士則輪流坐到各女士對面，每人6分鐘。其中有6、7名女士特別漂亮，有男士夠鐘也不願起身，要主持人一再催促。
女士有話說
蔡小姐 飲食業
「我覺得受電視節目影響，（極速約會）越來越普遍，我就未參加過，覺得單身都OK。」
李小姐 地產業
「朋友介紹會最易識到男仔，speed dating都係其中一個途徑，如果單身都唔介意試吓。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange