大家都知12月25號聖誕節，係紀念耶穌喺馬槽出世。其實前一日之平安夜，亦有一位巨星誕生，亦都同馬匹有關，就係冠軍級練馬師告東尼。
下周二平安夜，就係告東尼57歲生日。每逢12月及平安夜前後，告仔成績就特別好；睇番上年佢生日前嘅賽日，東廐分別憑「幸運勝利」、「好好機會」及「喜蓮芳芬」中三元。本周六賽事，告仔又有惡馬列陣；先講「幸運日」，呢匹馬一出即勝已知唔簡單，上仗11月9號賽事因有膿痰退出，但之後迅速復課，相信只係小問題，今次排內檔，應該大有勝望。至於第五場「威利猛男」，上仗大敗純因為腳傷，同實力無關，隻馬最近試谷閘走勢好，健康、狀態都冇問題，佢係法國三級賽亞軍，今次喺四班跑始終分量十足，大家就睇吓告仔可唔可以提早拆禮物啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange