北韓呢個鐵幕國家近期政局動盪，領袖金正恩啱啱先處決完姑丈張成澤，傳聞仲放狗咬死佢㖭；喺呢個時勢，NBA籃板王洛文就真係夠膽，欣然接受金正恩嘅邀請，第3度作客平壤，周五抵埗後立即到平壤體育館檢閱一批北韓男籃國家隊成員（圖），準備明年1月8日對NBA名宿嘅表演賽，為金正恩賀壽。
「變色龍」洛文打波嗰陣已經我行我素，今次去到平壤都冇有怕，更加擔起支大雪茄，認真風騷。當有記者問佢，有冇球員因為擔心政局問題而甩底，洛文就答：「我知道有啲球員好擔心，不過我向佢哋拍晒心口保證冇問題，呢度充滿愛！我唔會理政治，我咁做只為兩國人民，同埋世界和平而做。」嘩！洛文講到自己好似超人咁偉大，下年諾貝爾和平獎仲唔係佢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange