今年是薛凱琪（Fiona）入行十周年，前晚她在灣仔會展舉行音樂會，不少圈中人捧場，包括曾與Fiona傳緋聞的黑人酒店高層Reggie Martin、方大同和林二汶等。Fiona全晚換了多套性感服飾，穿上短褲的她跳舞時不慎露出白色阿婆底褲。
Fiona在台上大談自己的愛情故事說：「我好認真，同男友玩遊戲，會坐喺床攬住張被係咁捲，捲到好似壽司咁，又會同男友玩捉迷藏，不過佢就話我間屋得600呎咋，可唔可以唔玩呀。」當唱到《All you need is me》時，台下的方大同即拿咪rap了幾句。
「心中有過你」
Fiona獻唱《男孩像你》時，螢光幕播出曾與她傳緋聞的方大同、房祖名、林二汶和湯駿業的相片，她說：「我知大家關心我感情事，今日我就講少少，愛有好多種，開花結果梗係好，我又愛你，你又愛我，但係有啲因為身份同timing就令到唔可以開花結果，不過我係幸運嘅女仔，知道乜嘢係愛，因為我有愛過。」她更以普通話說出《一代宗師》章子怡飾演的宮二名句：「至少我心中有過你。」Fiona感謝各方好友支持，更一度哽咽，並感激多謝朋友在她有問題時陪伴在旁。
事後Fiona受訪時，對於緋聞情人全都撐場，唯獨房祖名沒到場，她說：「佢好忙，𠵱家好似喺北京。」祖名不在就擺對方上枱？她笑說：「其實我鍾意自嘲，希望大家唔好再猜測，呢啲係花邊新聞。」至於是否曾與男友在床上扮捲壽司，她避談指音樂會是一個騷，她就如魔術師，表演完畢就不會開估，並說：「呢啲你哋猜測，自己唔想做新聞，只係想帶歡笑畀觀眾。」
採訪：黃曉妍
攝影：陳慧安
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24