早幾日關仁同班闊太茶敍，聽佢哋講起個幾禮拜前出席咗個慈善晚宴，呢個晚宴有唔少上流社會同名人出席，影帝「老火」都有去。喺進行慈善拍賣環節時，有唔少畫家名人捐出珍藏品拍賣，有一幅畫底價係30萬，當叫價去到150萬時，老火突然舉手話：「180萬。」大家對佢為善不甘後人，當然係鼓晒掌啦！
「我冇錢喎」
但當在場人士不斷嘉許老火時，老火竟然話：「吓！我冇錢喎！」佢咁樣一講，大家都嚇一跳，明明係佢自己舉手投喎，𠵱家又當眾話冇錢畀，後來大家發現佢講嘢有啲語無倫次，身體又搖吓搖吓，先知道佢係飲醉酒開口亂叫價，所以只好作廢。後來有位闊太見場面咁尷尬就打圓場話：「其實幅畫我都好喜歡，不如我出180萬要咗佢啦！」老火聽到後話：「好呀，你鍾意畀你啦！」唉，有時喺呢啲場合，飲酒真係要適可而止，免得出洋相。
撰文：關仁
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24