安國倫和莫雷拉兩位旺人今朝冇偷懶，如常冒寒到場操馬，並接受各大傳媒訪問，忙過不亦樂乎。安國倫與薛達志合作的「好球」曾兩捷田草Ａ加3跑道，今次又在此跑道上陣，自然有一定威脅。安國倫話「好球」長途實力強，近兩戰回降四班即見接近走勢，前仗得第四名，上仗四班谷草2200米排外檔，負重磅沿途蝕位，仍只以短頭位僅敗給「喜欣賞」得亞軍，表現算非常好。拼後狀態更進一步，今戰沙田2000米排七檔唔錯，安國倫話對此馬十分熟悉，希望贏馬而回。另一方面，剛周三谷戰安國倫為容天鵬的「江山如畫」捧盃，今戰再為容天鵬效力「大埔福星」，安國倫指此馬越跑越進步，沙田1400米亦合，有力再與容天鵬齊入凱旋門。
除了安國倫，莫雷拉亦氣勢如虹，後者今朝親跳摩廐「君悅灣」，包辦該駒拼後所有快跳及試閘，而今朝大摩亦一直吼住隻馬，騎練對今戰非常重視。至於蔡廐「輕彈錢笑」，莫雷拉話上仗直路賽排一檔，馬兒才唔願跑，今次由佢接手爭1200米，係此馬另一贏馬路程，有力交出佳績。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange