狼英話送路姆西畀囡囡做聖誕禮物，唔知一向溫文爾雅嘅陳方安生，又會唔會買番隻路姆西公仔畀孫仔過聖誕節呢？點知噚日陳太聽到呢個問題，即時尷尬笑笑口話：「我唔會去買，相信亦唔會有人送畀我。」
佢仲話對狼英送路姆西畀囡囡嘅做法不敢苟同，話自己嘅孫仔𠵱家最鍾意砌LEGO，睇嚟陳太對路姆西嘅印象似乎麻麻哋。
講起聖誕節，陳太透露會如常喺香港同屋企人過，更會親自下廚，煮囝囝最愛嘅白汁雞皇飯同家人最愛的上海冷盤。佢話方家嘅白汁雞皇飯好食在全部雞肉用手撕，啲雞汁仲要係鮮雞自己熬製，如非必要，都唔會學無綫May姐咁亂落外購嘅雞汁，難怪囝囝食過翻尋味，話以後唔再幫襯街外舖頭食呢種飯。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange