唔好以為姊妹淘淨係識睇靚仔同「啡唇」，其實我哋都好留意時事。當然，犬決呢啲太殘忍，就梗係唔係我哋杯茶，但好似德國最近出咗歷來首名女國防部長馮德萊恩（Ursula von der Leyen、右），我哋都不知幾高興。
現年55歲、負責統領18.5萬名軍人及7萬名國防部文職人員嘅馮德萊恩，但絕對唔係老姑婆，仲原來已經有7個仔女，佢喺官場上嘅作風就好硬朗，更加被視為德國總理默克爾（Angela Merkel）嘅接班人㖭！我個人就希望馮德萊恩可以好似默克爾咁，係一名忠實嘅球迷。默克爾出名鍾意睇波，仲係德乙球隊科特布斯嘅忠實紛絲。
至於馮德萊恩喺呢方面就冇乜表態，淨係喺幾年前讚過德國女球王佩蓮絲勁啫。不過，佢最近就訪問咗德甲球隊禾夫斯堡，而接待馮德萊恩嘅禾堡人員就話，佢唔單止對禾堡，對成個德甲形勢，甚至係女足方面都瞭如指掌，令你覺得自己好受重視；就算佢唔係球迷，都肯定係一早做晒功課，抵讚！文：吾中
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24