前政務司司長陳方安生，近日出席咗一個政務官聖誕午宴，除咗聽到現任AO吐苦水，亦有機會同唔少前高官敍舊，包括曾經喺港鐵活動被示威者「搶咪」嘅運輸及房屋局前局長鄭汝樺（Eva）。陳太引述Eva話，𠵱家無官一身輕，得閒就去吓遊埠，或者返教會參加讀經會，最近更中港兩邊走，去內地做慈善工作，又喺內地教書上堂，退休生活十分充實。
至於平時一定出席呢個午宴嘅林鄭月娥，因為正在休假陪家人罕有缺席，教育局前局長孫明揚，據講因為身體仍然麻麻，所以當日未有現身，早排已經去完牛津深造神學低調返港嘅「人肉錄音機」前政務司司長林瑞麟，亦未有蒲頭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange