同樣喺摩洛哥踢緊世冠盃嘅拜仁慕尼黑就收到好消息，佢哋嘅法國左翼列貝利（小圖）被選為2013年德甲最佳球員。其實呢個獎都係錦上添花，拜仁今季威震德甲，基本上都係拜仁球員拎硬。30歲嘅列貝利拎獎都拎到手軟，早前拎咗歐洲足協最佳球員，又係法國足球先生，更加係今屆金球獎嘅大熱。德甲官網報道，列貝利今年踢咗44場比賽，入咗18球同助攻咗20次。嚟緊星期六，列貝利會帶領拜仁對拉查體育會（圖），力爭球會史上首個世冠盃冠軍。
足本收睇《亂噏24》x DADA陳靜；跟住有嘉玲姐駕到！
周一至周五《亂噏24》約定你： http://bit.ly/appletalk24