Lonely lonely christmas......臨近聖誕甩拖的確特別落寞，連「巴神」巴洛迪利近日都重返單身貴族行列。近日意媒爆料指出，AC米蘭前鋒早前於twitter留下一句「完了」，並非如外間所猜測暗示離隊，而係與女友芬妮嘅分手宣言。
巴神行為難以捉摸，連戀情都同樣反覆無常；一時就與女友芬妮高調紋上愛的紋身晒恩愛，一時就3日唔埋兩日嗌分手。較早前巴神先至「情聖」上身，於twitter公開示愛，浪漫欠奉，只覺內容有如台劇對白般肉麻到震：「妮古莎（芬妮）為我帶嚟平靜，我喜歡我嘅人生、家庭，我愛妮古莎！」
巴神意猶未盡，話人生冇咗芬妮就毫無意義，生活若失去芬妮就會一團糟！估唔到事隔兩個多月，甜到漏嘅二人就此情不再，連巴神本人都透露指自己不易相處，於twitter補上一句「完了」就絕殺1年貨仔嘅戀情，難怪現實的確有不少「袁琛」呢種鼓吹愛情絕望嘅盛女。文：呂晨
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24