梁班子司局長日前盛傳收狼英「柯打」，齊齊杯葛自由黨黨慶，反而翌日經民聯一歲生日就空群而出賀壽，唔少政界中人都批評一男子好鬼小家。自由黨領導層一於懶理，擇日喺正經民聯黨慶當晚拉隊唱K，黨魁田北俊仲高歌《誓要去入刀山》，不知幾咁霸氣。有自由黨議員私下講，政府今次做初一，佢哋大條道理做十五，以前官員游說都會心軟兼畀面，以後一於少理，冇晒壓力㖭。民主黨何俊仁笑言經此一役，自由黨成功轉型為值得尊敬、認真獨立自主嘅政黨，田少本人嘅表現就令成個黨更有尊嚴，唔會好似工聯會、民建聯等一味附和中央，做政府嘅「尾巴組織」，佢得閒會搵田少飲茶賀吓佢喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange