中大醫學院新任院長陳家亮上任就快一年，噚日佢同傳媒飯敍，一坐低就同八方呻，話自己成年都好忙，年頭到年尾都冇停過，例如上工三日，就爆出余卓文事件，之後又有醫學院收生爭議，連陳家亮自己都忍唔住話今年係是非年，上任院長霍泰輝更加話佢腳頭唔好，笑住話過咗年要去鵝頸橋打吓小人喎。
佢仲不停呻，話上任之前，霍泰輝明明話院長好易做，簽吓名、剪吓綵就得㗎嘞；但𠵱家唔只要處理是非，仲有勁多應酬，已經三個星期冇返屋企食飯，早出又晚歸，連見兩個寶貝女一面都好難，覺得有所虧欠，惟有遲吓農曆新年去日本講書時，帶埋寶貝女去旅行補數。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24