2013年有黃鴨與忌廉哥陪伴在側，新一年可選擇與冬菇頭Fatina結伴度過。公民教育委員會成功邀請本地著名品牌Chocolate Rain的創辦人麥雅端（Prudence）出手相助，設計2014年月曆，希望品牌主角冬菇頭Fatina的「七十後」小故事，讓市民逐月回味那些年的簡單與喜樂。
回味木屋區鄰里情
Prudence創作的愛笑冬菇頭妹妹，常穿上有補丁的拼布裙子，她笑言Fatina是「七十後」的集體回憶，「你見我啲公仔都係甩牙、着補過嘅衫，我細個就係咁！」她說月曆靈感來自「百家村」概念，將兒時在赤柱木屋區生活的點滴，左鄰右里躍然紙上：「呢個推紙皮嘅阿婆以前喺木屋區，日頭洗廁所，夜晚推紙皮……佢養大七、八個仔女，個個外國讀書返嚟，好勁，就係佢有毅力！」
海邊賣麵粉公仔的伯伯、打魚的根叔、收買佬……一個又一個小故事，訴說關愛、包容等老生常談道理，「收買佬有時冇錢畀番你，但就會畀番麥芽糖你，當時就有互相幫助嘅精神，中國人嘅愛好得意，唔係咀咀咀就係愛。我識幫你整燈膽，你識整風扇，就已經叫愛」。
Prudence指，上一代的人，能養大幾個子女已視作最大成就，現時的人卻把成功定義設得太高，反而不快樂。「如果講起跑線，我喺最差嘅起跑線，我讀福利會㗎﹗福利會係最cheap嘅街坊學校，冇校服，你鍾意返就返，踢對拖，但小朋友係最開心」。
公民教育委員會印製了13萬個月曆，市民明天起可於18區民政事務處諮詢服務中心、公共圖書館、各區大會堂等地點免費索取，明天亦可下載網上版： http://www.cpce.gov.hk/calendar2014
記者：陳雪玲
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange