被視為林鄭愛將嘅候任新聞處處長聶德權，原來同林鄭有同一「嗜好」。官場流傳林鄭一大清早就傳電郵畀同事落柯打，身在北京嘅三耳處長同傳媒茶敍時話呀，政府朝早9點開工，事前要準備好多嘢，咁早傳電郵都在所難免，原來佢都會喺非辦公時間向同事發電郵㗎，但佢信任同事嘅判斷，同事可以自行決定幾時覆嘅。話說日前終院有關綜援判決出咗後，不斷有香港官員打畀呢位前社會福利署署長，詢問有關綜援嘅數字，例如符合領綜援資格嘅新移民學歷分佈等，據聞佢都即時答得出，果然同林鄭一樣咁打得。原來明年2月先至正式接任新聞處處長嘅聶德權，會喺今次陪完狼振英述職後，趁住聖誕、新年放假休息，叉足電先至上任大作戰。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24