【司機心聲】
無牌經營復康巴士生意逾20年的歐先生，批評政府沒有正視復康巴士短缺問題，但無牌巿場近年開始萎縮，最終受苦的仍是傷殘用家，他說：「這行越做越冇希望……曾聽過唔少客人租唔到復康巴士至搵我接送，有客人已幫襯了八、九年，證明有市場需求，政府何不正視這需要，引入更多競爭呢？」
申請牌照審批過嚴
歐先生透露，數年前曾向運輸署申請合法牌照，但因審批太嚴格，最終放棄。「運輸署要我買一部打稅超過30萬嘅車，之後要去認可商戶改裝配件，再等審批，而且唔一定批個牌畀你，由於成本太高所以放棄」。
他直言，高峯期行內最多有20多部無牌復康巴士，他亦擁有五部，其他大多個體戶；近年因油價等成本上升，只賣剩自己所駕駛的那部車。他表示載客次數不定，有時一天只收到四、五個客電召，扣除汽油成本，每月大約賺得萬多元，計劃明年3月結束生意。
記者曾扮作傷殘人士電召另一名無牌復康巴士個體戶，該車司機林先生表示，「多數做老人家生意，賺錢唔多，有時都想唔撈」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange