乜嘢叫能醫不自醫？睇吓食物及衞生局局長高永文就知。身為醫生嘅「民望高」上星期已經傷風，戴住口罩去立法會回應議員質詢，點知一個星期後，佢病情不單止冇好轉，仲有惡化迹象。
噚日民望高喺立法會，好辛苦用一把爛聲回應議員口頭質詢後，離開時又有傳媒要求扑咪，講吓江西出現全球首宗人類感染H10N8禽流感死亡個案，與人為善嘅民望高當然唔會say no，結果一埋咪兜，講唔夠兩句就變聲兼走音，最後講完政府立場，破天荒唔回應提問，指一指自己喉嚨示意「失聲」就走人。有記者問佢會唔會請病假？佢冇回應，但從佢邊行邊咳咁睇，就知好有需要。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange