冇錯，就係講呢啲。前晚無綫舉行的圍威喂電視頒獎禮，網民焦點並非落在視帝黃子華或視后田蕊妮身上，亦並非大熱倒灶的張智霖及鍾嘉欣，而是領取傑出演員大獎、人稱劉老師的綠葉王劉江。
劉老師近日之所以成為網絡紅人，全因一張劇集截圖，圖中他咪起雙眼咧齒而笑，狀甚老尷的說對白，字幕出現「X！講呢啲」惡搞字句。自此，「講呢啲」成為網絡潮語，連王維基也引用。截圖源自11年劇集《拳王》，字幕原本是「我知道，所以我儘（盡）量少惹你生氣」，但因劉老師表情太突出，才被網民改為「講呢啲」。
辛苦到減產
原來劉老師經同事得悉此事，笑稱一直頗受網民歡迎，他昨在電話中笑說：「我知道，不過都冇乜所謂，我好少上網睇啲八卦嘢。」談到得獎，他說：「呢個係老人獎，公司畀獎你，等你唔使咁多怨氣！有時候啲工作都排得好辛苦，你知年紀開始大，唔係好捱得。」會否減產？他說：「都會㗎，我仲有一年約，會做少啲先，太夜收工揸車返屋企都危險，我就嚟70歲，都覺得辛苦。」
採訪：蘇芬妮
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！