周三晚第二場為三班2200米，呢項賽程向來較少，但供應少唔一定需求大，參賽馬往往不見得踴躍。好似今場只得八匹馬參賽，部份馬睇落大家會擔心性能「有冇咁長呀？」。講到同路賽績最好首推「喜欣賞」，連同上仗贏馬在內，同程跑過三次均入三甲；其他在此程有過表現嘅馬，還包括黎海榮座騎「駕翠」，此駒在同程跑過兩次第三。
至於由韋達策騎嘅「怡勝」，雖然未試過在谷草2200米跑入三甲，但十月同程跑第四嘅一役，已反映此程唔係冇競爭力。其餘參賽馬方面，容廐「多多心得」及呂健威嘅「迎風起舞」，都在外地長途賽有過表現；反而方廐「正斗」、東廐「幸運勝利」及鄭廐「超勝多」則欠缺大長途根據。睇嚟今場「駕翠」及「喜欣賞」都係較穩健！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange