狼振英全面杯葛建制派中嘅「倒梁」自由黨，聽聞佢下令叫所有司局長全部都要缺席自由黨前日（12月16日）嘅廿周年酒會，明剃自由黨眼眉。噚日運輸及房屋局長張炳良俾電台主持人多番追問係咪狼英落order話要杯葛酒會，張拒絕回應，話唔評論呢啲揣測，只係話自己有個繁忙星期一。
忙乜嘢？忙於探訪中西區喎。咁唔知有冇去自由黨地頭山頂區睇吓呀？聽聞至少有三位局長本身應承咗自由黨，話會出席酒會，但係點知喺酒會臨開波前幾日，陸續通知自由黨要甩底。
八方噚日向各個司局長詢問，問吓佢哋做乜唔出席自由黨酒會，擔唔擔心日後拉票有困難。成班局長個個都透過新聞處話特首辦已經回應咗，冇補充喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange