「贏錢」原本係二打六，啲人識佢都係因為佢係女神嘅男友，後尾佢參加公仔箱唱歌比賽彈出，不過最終攞唔到獎，但知名度就大增。𠵱家啲新人有少少知名度就扮大牌，話說佢有次出席活動，一到場就話趕住拍劇，唔做訪問，未紅已要求多多，即時辣㷫班記者，點知公關又拉贏錢過來話可以做5分鐘訪問，搞到班記者好唔高興，一時話做一時又話唔做，贏錢企埋一邊鬼死咁尷尬，唔係紅星就咪扮紅星啦！
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！