剩男司長袁國強公開話一早將感情事「拋諸腦後」，話緣份可遇不可求，但係「剩男強」身體卻很誠實，呢排仲刻意擦靚個形象。前日《信報》有專欄就大爆本來一棚煙屎牙嘅「剩男強」，早排出席一個典禮時，「煙屎牙」忽然變咗「白雪雪」，無懼將自己個大頭放上巨型高清螢幕。洗靚棚牙亦都可能因為要拍政改廣告，費事觀眾未見到政改兩粒字，已經反胃。
唔知男人有棚靚牙係咪可以改善姻緣，但係就惹來同性羨慕都唔錯。話說政制及內地事務局局長譚志源，噚日同「剩男強」一齊出席一個政改研討會（圖），話自己過去十年「命苦」，經常要企喺鏡頭面前回答政改問題，令市民每晚黃金時段都要睇到佢個樣，「好彩有袁司長個樣喺埋度，可以靚番啲、均衡參與一下」。朱永倫攝
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange