【本報訊】肉身之路有期，精神影響無盡。被視為本港環保及左翼思想先鋒的中大教育學院前副教授文思慧，昨早在靈實醫院病逝，終年60歲，學術界形容她忠於自己，不隨波逐流；環保人眼中，她身體力行活出信仰，引領無數人走上保育之路，是綠色路上的明燈。
著作啟蒙年輕人參與環保
文思慧1976年中大新亞書院哲學系畢業，是前香港哲學會會長，數年前患上癌症，近年醉心有機耕作，投入反高鐵及反核運動，又經營書店。與文相識多年的中大教育學院教授蔡寶瓊形容對方「好特別」，「佢好忠於自己，唔係隨波逐流，好少人好似佢咁堅持，咁身體力行。」她相信文多年育人，學生後輩不會忘記，「佢好有遠見，個影響會喺度，最後佢都盡咗力，都無愧無悔。」
嶺南大學文化研究系導師葉蔭聰直言文思慧在學術界屬「另類」，「佢唔係一般學術人嘅價值觀，唔鍾意對社會冇乜關心、好多冇意義嘅學術遊戲，所以佢都提早退休。」他形容文是綠色運動中，進步思想的代表，「佢對環境好多不滿，參與好多社會事務，退休後關心反核議題。」
現於內地環保組織創綠中心擔任總幹事的盧思騁，與文是多年拍檔，受訪時落淚。他指文實踐自己的生活方式，「佢知行合一，對行動者嘅知性、內心要求都好高，佢一生可以做得到呢樣嘢，好難得。」他指文鼓勵了不少青年投入環保工作，「包括我自己，如果唔係佢推薦，我未必做環保NGO呢條路。」近年關心土地發展的陳劍青，直言文的著作是其啟蒙，「佢有關綠色運動嘅分析論述，講政府點用『可持續發展』嘅包裝做綠色粉刷，合理化官商勾結，對我諗點參與新界東北發展好有影響。」他形容文的著作「走得好前」，「好似思想導航咁。」
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24