自由黨前晚20周年酒會，成個梁班子嘅司局長統統冇影，被傳係「一男子」下杯葛令。同人唔同命，噚日經民聯一周年黨慶就星光熠熠，財爺做署理特首都畀面出席，三司十二局得放緊假嘅林鄭，同去咗印尼嘅吳克儉冇到。不過一眾司局長被問到點解唔去自由黨度，一係封口，一係就巧合地有其他節目。袁國強、陳茂波就話撞咗其他活動，譚志源就話要同屋企人食飯。政府係咪大細超就心照啦，唐唐就走足兩場，傾到下屆特首，佢話人選要有心有力有志，至於自己點解唔再選，佢話「我何得何能呢？」喺咩？上年跑馬仔時又唔見佢咁諗。白鴿黨卿姐仲上台同袁國強同譚志源唱《獅子山下》，卿姐仲high到叫大家一齊爭取普選。
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24