【本報訊】「我係逼於走投無路情況下去申請綜援。」終審法院裁定申領綜援需居港滿七年是違憲，上訴人孔允明聞判後沒有歡天喜地，卻泣訴一個新移民的悲劇。來港後丈夫病逝，遭房屋署趕走，瞓過木凳、露宿過樓梯，捱得了沒溫飽的日子，但敵不過歧視；即使今天居港滿七年，也沒打算問政府要錢，只願「希望香港人唔好再去標籤同歧視新移民」。
孔允明是新移民，但不是蝗蟲，她昨接受傳媒電話訪問，用了近五分鐘道出身世。05年11月來港照顧丈夫，丈夫病逝後，房署立收回公屋，「如果有一間屋住，我唔需要去申請綜援，最簡單都可以去執紙皮」。貧窮沒叫她氣餒，「我一直努力，去學習多個課程，保安、起居照顧員、家務助理；曾經做過12個鐘頭保安、洗碗、洗廁所、派傳單」。
憶起露宿街頭的日子，孔允明飲泣道：「瞓過喺啲凳度、樓梯度。」曾入住露宿者之家，雖有瓦遮頭，但嚇怕僱主，「當時我初初搵工，我好老實，地址寫元州街露宿者（之家），結果好多人都唔請我，每次見工都碰壁」。她惟有去申請綜援，「過程中冇人幫我，仲奚落我、歧視我」。
「畀機會佢哋融入社會」
病逝的丈夫是孔允明第二段婚姻。她有兩個兒子在內地，幼子跟前夫生活，長子有自己家庭。她贏官司，卻叫香港人恐慌，有人叫她返回大陸居住，卻不知道她在內地已沒戶籍；更有人稱香港淪陷，要移民再也住不下去。她說香港人要真正了解新移民，「去做家訪，探吓佢哋屋企，喺咁惡劣環境生活，住籠屋、板間房，喺度默默咁支撐住，或者去教好下一代」。
孔允明有長期病患和腳底筋膜炎，做散工派傳單每月賺千多元，再靠社福機構接濟，但沒打算申領綜援，「如果我身體健康嘅話，我都好希望去投身社會做嘢，唔希望攞綜援」。06年入稟法院折騰七年終勝訴，她感謝法官的公義判決、社協相助，但心願得一個，就是告訴社會新移民也有拼搏精神，「唔好戴有色眼鏡去睇佢哋，畀機會佢哋改進，融入社會」。
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24