港足隊（紅衫）為備戰月底省港盃，噚日朝早冒住寒冷落雨嘅天氣，同傑志踢咗場60分鐘嘅友賽，結果2:2握手言和，港隊主教練金判坤好滿意球員表現同態度，當中特別留意曾至孝、張志勇同葉頌朗幾位未來接班人嘅表現，仲話省港盃係最適合時間睇睇佢哋去到邊個水平。金帥話，知道公民老將迪天奴申請緊特區護照，但港隊要諗長遠啲，應該唔會點考慮召佢。另外，傑志烏茲別克中堅阿河第一次落場，初步觀感普普通通，睇嚟要時間適應吓喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange