有「AV界郭采潔」之稱嘅日本AV女優水菜麗，前晚喺尖沙嘴一間成人用品店為now成人極品台嘅微電影《我愛草食男2》開工，劇情話着住低胸白背心裙嘅水菜麗，喺店舖遇到男主角嚟買嘢，跟住男主角俾佢吸引住，幻想同水菜麗咀嘴。
咀完又咀
拍慣AV同見慣大場面嘅水菜麗，拍呢啲咀戲簡直易過借火，佢好專業同男主角咀完又咀，見到啲成人玩具又玩埋一份，一啲都冇避忌，所以成晚拍得好順利。事後水菜麗話覺得拍AV比電影容易得多，佢話：「之前拍AV啲鏡頭拍得冇咁仔細，呢套拍得仔細好多，但係我覺得好好玩，拍得好開心。」講到有唔少女優嚟香港拍電影，水菜麗都話有興趣：「我希望可以喺香港嘅電影出現。」
完成晒啲工作後，噚日離開香港，講到呢5日嘅行程，水菜麗話：「雖然好忙，但係啲時間好短，如果畀我再留多幾日，我想去睇吓夜景。」
撰文：馮仁昭
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24