日本網站選出五大「最不討好的女生衣著配搭」，最討厭是日本宮廷服Lolita，其次是把超大蝴蝶結戴在頭上，還有內褲外露、穿毛毛靴導致腳臭和在身體上穿環等。各位港男港女，你又最受不了甚麼奇裝異服？
記者：鄒倩婷 攝影：張柏基
「Lolita，黑沉沉好似巫婆」、「脷環，睇到都覺得痛」、「露底褲，好奇怪，底褲應該喺入面」、「大蝴蝶擺喺頭度，誇張得滯」，動記者在尖沙嘴做街訪，受訪者笑言以上的不算誇張，更爆的造型他們都看過，「男人著條褲好低，露晒股罅出嚟」、「有男人著超迷你短褲，著埋絲襪」、「上網睇咗張相係菠蘿頭，個頭染到菠蘿咁嘅色」，又表示受不了男扮女裝。
至於擁有最漂亮、最有型造型的人，有受訪者投Cool魔一票，「ChiLam都好吖，健康啲」，周柏豪也有粉絲，「除咗走型look之外，佢都會走運動look」。然而，走在時代尖端的，是一眾韓星，「G-Dragon一行出嚟已經勁有台型，著衫又好有fashion sense」、「少女時代嘅徐賢係最好，性感打扮又得，清純又得」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange