古天樂噚日喺旺角為護膚品牌新店擔任嘉賓，大會安排小朋友向古仔送禮物，男孩一見古仔即驚到唔敢埋身，相反女孩主動向古仔獻吻。古仔話：「每年拜年啲親戚小朋友都好鍾意同我玩，尤其係女仔，而男仔就好鍾意打我，但我都好鍾意小朋友。」有指杜琪峯搵古仔演音樂電影，又讚佢唱歌好聽，佢話：「好聽成咁？我知唔只唱歌，仲要跳舞，我對唱歌非常抗拒，套戲連台辭都要唱，好大挑戰。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！