【大帽山】
一名未足秤少女涉揸大膽車，並在facebook上載圖片，相中可見這位長髮妹坐在私家車司機位兼雙手握着軚盤，聲稱「第一次揸車……有人睇嘅放心，玩咗陣」，相片被轉載至討論區，一日內被網民瀏覽逾28萬次。該少女更被網民起底，踢爆她年僅14歲，無可能有車牌，警方發言人稱正跟進事件。
討論區帖文題為「MK妹14歲無牌駕駛網上晒命」，少女自稱駕車地點是大帽山山頂，她日前向友人回應時曾認駕大膽車：「喺停車場玩咗陣咋，隔籬有大人，轉咗個彎囉。」但至昨日她在網上改口否認此事。律師指按《道路交通﹝駕駛執照﹞規例》，若任何沒有駕駛執照人士坐在司機位，只要汽車引擎已經啟動，而他或她又曾控制車輛即屬違法，可被控以「無牌駕駛」罪。若車主涉嫌縱容或教唆此行為，同樣會被起訴。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange