港龍航空新一年有新搞作，噚日宣佈出年第三季前會翻新所有客機頭等客艙座位。
港龍嘅新座位設計參考咗姊妹公司國泰嘅商務客艙，座位可調校至打平瞓，電視屏幕由10.4吋「升呢」變15.4吋，仲多咗儲物空間。𠵱家港龍提供頭等客艙嘅航線，主要飛北京、上海、台北同高雄。
餐飲方面，新一季頭等同商務客艙嘅飛機餐就有煲仔飯，不過來頭都唔簡單，頭等煲仔飯就有虎蝦、鮑魚、黑松露、鵝肝等食材。負責諗餐單嘅港龍同事亦猛話頭痕，佢哋話強國豪客口味獨特，尤其鍾意食榨菜，家陣仲掙扎緊，好唔好加呢樣平民食品落去頭等餐單。
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24