【中環置地廣場】曾經俾賭王何鴻燊形容為「靚到不得了」嘅四房千金、今年14歲嘅何超欣，近日開始出嚟公開活動見人，成日跟住四太梁安琪出席啲慈善活動，相信不久嘅將來，佢將會係何家另一位明日之星。其實超欣靚都係其次，最緊要係佢真係有淑女風範。
唔做低頭族
上周六下晝兩點鐘左右，四太拉隊同親朋戚友去中環置地廣場行街，行咗未夠一個鐘，同行着住便服嘅超欣同現年21歲嘅哥哥猷亨就先同一班親友，去咗置地間餐廳搵定位開埋茶，等媽咪同班auntie一陣行完嚟嘆茶。大概半個鐘頭後，行到非常盡興嘅四太帶住幾名親友殺到餐廳。一身銀色外套打扮嘅四太，當日心情勁好，全程四萬咁口，仲同現場一班太太團傾得好投契。
超欣同猷亨喺同枱中係最年輕，畀着同年齡嘅時下年輕人，已經二話不說攞咗部智能手機出嚟做低頭族，真係睬你班大人都嘥氣。不過佢哋兩兄妹掂都冇掂過部手機，仲要好有禮貌咁留心聽長輩講嘢，淨係呢一點已經贏咗唔少同年齡嘅後生仔啦，都唔使計埋家世喇！而超欣亦好斯文淡定，顯出淑女風範。當餐下午茶飲到一半，四太撩同枱嘅小朋友玩，逗到位小朋友嘻嘻哈哈。
採訪、攝影：羅德光
戲裡戲外，話題最強，立即收睇《動戲場》:
http://hk.movies.nextmedia.com/extra/list/