噚日係狼振英北上述職之日，其實都係新任新聞統籌專員、前民主黨黨員馮煒光上任之日。由於成個特首辦噚日傍晚已經拉大隊上京，相信馮煒光暫時都未有機會同特首辦同事打成一片。嚟緊呢幾日，都只能夠孤伶伶咁熟習吓環境先。
查實八方日前都問過呢位新IC，履新首日會唔會見傳媒講幾句呢？不過佢就回覆，話IC宜低調，請咗八方食檸檬，但就話日後都總有機會見面詳談嘅。
八方最近遇上馮煒光舊朋友，都話佢自從「三個字」事件後已經好低調，可能怕樹大招風啩。據知佢個fb都刪走咗好多同女士嘅舊合照，相信係唔想再有攬女照流出，最驚影響仕途嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange