活塞中鋒杜蒙特喺康涅狄格州出身，周日特別喺主場對拓荒者場波，於波鞋寫上上年康涅狄格州桑迪胡克小學槍擊案死難者嘅名字，賽後仲將波衫同波鞋捐畀桑迪胡克小學，真係有心。可惜，就算佢今戰以13分、14個籃板，錄得今季第17次「雙雙」都冇用；球隊一度以13分領先，都俾客隊追番轉頭，仲喺加時最後0.1秒，俾攻入23分嘅上季最佳新秀尼拉特（左），射入絕殺一擊。最後活塞以109:111輸波，拓荒者獲得4連勝。拓荒者周三將會去到克里夫蘭作客騎士，唔知可唔可以繼續連勝強勢呢？（now678台明日8:00am直播）
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24