雷霆周日主場對魔術，憑杜蘭特同「潮韋」韋斯卜克（右）兩大猛將，分別攻入28分同20分，以101:98險勝有正選5人得分達雙位數嘅客隊，保住主場12戰全勝。潮韋日前就出席佢自己嘅慈善團體Why Not？Foundation活動，同奧克拉荷馬城一班同監護人住嘅小朋友開聖誕派對。潮韋出動成家人同班小朋友玩之餘，更大派禮物，等人人都有個開心聖誕節。潮韋已經連續搞咗呢個活動兩年，今年都玩得好開心，全程笑容滿面，送衫送鞋之餘，仲幫埋小朋友着新鞋，極之和藹可親。睇嚟佢將來成為人父，都會係個好爸爸。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange