劉德華、林家棟、廿四味及唐文龍等演員，昨日現身荃灣宣傳電影《風暴》，家棟與華仔一齊接受訪問，難得華仔破禁講家事兼自爆心急造人，而家棟自稱單身想要個女朋友，不過華仔即時踢爆家棟生活圈子廣闊，他們到內地做宣傳，華仔留在酒店，但家棟永遠出去玩。
爆家棟交遊廣闊
《風》片在內地反應不俗，12日上映直至昨日票房已經有1.25億。記者笑指華仔女兒向蕙腳頭好，往常提到妻女，華仔都會答：「大家乖啦！」但今次就破例說：「希望一路好落去。」之前傳華仔太太朱麗倩再度懷孕，而且懷了男胎，向他求證時，華仔說：「冇呀！未有呀！我都好想，我都好心急，唔只淨係你哋。」想做爸爸需努力，華仔笑說：「我造人同工作一樣咁努力。」家棟想為華仔解圍，即說：「等拍《風暴2》先（生仔）。」
之前傳家棟快將結婚，他澄清說：「我single，邊有女朋友，我都想搵到，如果跟到我而影到（拍拖）當你贏。」會否擔心被質疑性取向？家棟說：「唔怕，都講咗好多年。」華仔即笑言：「唔好拉埋我落水。」家棟續說：「我要求高但質素低，遲啲啦，冇得勉強。」記者要求華仔叫太太介紹大馬同鄉給家棟，華仔說：「冷靜啲。」繼而踢爆家棟社交圈廣闊：「佢闊過我，每次返內地做宣傳，我就留喺酒店，佢就出咗去。」家棟自辯：「我內地多朋友，其實我好羨慕佢（華仔），我對感情同工作都好多缺點，要請教佢做人處事同點面對困難。家棟並揚言假如《風》片香港票房有6000萬就即刻結婚。華仔聽罷即取笑家棟說：「咁你決定單身啦。」
採訪：魯萍
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！