現年25歲的裕美和年長兩歲圈外人林恩浩上周在港註冊結婚，一對新人昨日在西貢三育書院舉行結婚典禮，晚上則在馬灣擺酒。裕美穿上low cut婚紗，大騷胸前3吋事業線，她在禮堂捉着老公手時，忍不住流下熱淚，變成喊包新娘。
新娘子裕美邀請了老友高皓正做司儀，換上婚紗的裕美與老公林恩浩進場前接受訪問，問到新郎昨早在新蒲崗接新娘時，可有被現場的姊妹團難倒？他說：「都唔係好難，最辛苦係要做瑜伽動作。」裕美被接的一刻有否被感動落淚？她笑言：「冇喎！只係開心，未去到喊。」
裕美在接新娘後淡定出門，而昨午在三育書院行禮時，她由男親友陪同步入禮堂，交給老公林恩浩時，現場唱聖詩，在這個浪漫溫馨氣氛下，裕美忍不住落淚，老公見狀，十分識做地緊緊握住老婆的玉手，場面感人。
多贊助慳唔少
裕美透露婚禮得到不少贊助，令老公荷包慳唔少，她昨日所佩戴的鑽飾由金至尊贊助，總值約800萬元，婚紗照都有贊助，裕美開心說：「都慳咗唔少，最開心去咗三個地方影婚紗相，分別喺馬爾代夫、馬來西亞同澳門。」她表示婚後先過二人世界，計劃三年後才不設防造人，所以這段時期必會做足安全措施。
採訪：胡比
攝影：黃偉雄
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24