新城電台噚日去到馬𩣑山舉行2013K歌大熱唱宣傳，順勢即場公佈網上暫時最受歡迎男歌手5強，羅力威同洪卓立榜上有名，結果上到台羅力威就話講啲勁爆嘢：「我哋超越陳奕迅（Eason）呀！」洪卓立聽完即好驚被柴台話：「你講呢啲我唔敢企喺台喎。」
之後羅力威一見記者即補鑊話：「我講笑咋，前輩唔會嬲。」洪卓立就話Eason係神級，二人同對方冇得比。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！