上市公司搞周年紀念有好多種方式，最直接就係喺會展或五星級酒店搞場大龍鳳，大新金融（440）就選擇噚日喺馬場舉行一場「25周年上市盃」賽事，老闆王守業、太子爺王祖興、老臣子黃漢興、王伯凌齊現身頒獎盃，跑出嘅「威風猛將」，馬主竟然係匯豐團體。
呢場賽事其實充滿數字與名字嘅謎。大新金融嘅上市編號係440，上市盃安排喺噚日第8場，4點40分開跑，時間同上市編號一樣。跑出嘅威風猛將，馬匹編號係4號，令到成件事同4字好有關連。
至於隻頭馬嘅馬主竟然係匯豐團體，不過呢個匯豐團體，英文名Wayfoong Syndicate，唔係HSBC。查實呢場賽事原本安排喺9月舉行，因八號風球改為噚日跑。
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24