喺上周六西布朗作客以0:1不敵卡迪夫城，錄得聯賽4連敗之後，呢支中部球隊就怒炒領隊奇勒（圖）。其實奇勒今季領軍表現唔算好差，之前就試過擊敗曼聯，又打和過阿仙奴，所以今次被炒，據講麾下球員都好驚訝，其中西布朗嘅前鋒比希拉奴，就喺奇勒被炒後即刻喺twitter度爆粗寫住：「令人難以置信，實在黐x線！」不過，佢好快就刪咗呢段留言，澄清話自己寫嘅係關於架車爆軚，仲特登post埋張爆軚相出嚟㖭！另外有傳西布朗想搵番前領隊迪馬堤奧接手。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange