牙買加飛人保特日前到訪阿根廷嘅首都布宜諾斯艾利斯，仲喺全球最闊嘅七月九日大道，同架大巴鬥快！呢場80米跑比賽，保特睇住嚟食，慢慢同架大巴加速，仲不時攤開雙手，表示自己冇得輸！最後梗係保特贏啦，仲喺架巴士隔離擺出招牌慶祝動作（圖），風騷到爆。話晒保特擁有100米、200米跑兩個世界紀錄，架巴士同佢鬥短途又邊度有機會？所以活動主辦單位再搵多3名跑手，同佢鬥多轉。結果？梗係保特再贏啦！佢賽後仲同觀眾擊掌，親民作風搞到個個都尖叫。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange