瑜伽近年已經成為深得港女歡心的運動，受歡迎唔係無道理。除了可以修身之外，更加可以洗滌心靈，釋放壓力，身心得以放鬆。就連英國王妃凱蒂都係用產後聖經《The Complete Guide to Postnatal Fitness》 修身練出小蠻腰。今日開始，一連五集，【即時生活】請來有十年瑜伽經驗的導師Bobo Sin教港媽學凱蒂修身。
由於產後聖經大部份動作重點都是放於腰部，第一集動作好簡單，首先躺在地上雙眼望向天花板，雙腳張開大約至一個階磚距離。做動作時配合呼吸，先深吸氣再慢慢呼氣。腹部隨着呼氣速度向上捲，手再碰膝蓋，之後慢慢吸氣，再從腹部位置隨呼氣速度向下躺就可以了。
其實這組動作有做sit up的效果，每一組做8次，而每日做一至兩組就可以了。配上音樂，放鬆的不單止是身體，更加令精神得以釋放。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange