【人物訪問】
以婚宴概念作賣點的譽宴（8107）上周二上市，41歲的主席張梓豪，本身是清潔原料批發商太子爺，不愛讀書中四輟學，按劇情發展，理應成為富二代廢青，但又出奇地跑去做清潔做樓面，跌過痛過，花了13年建立自己的酒樓王國，穿上西裝的他說：「我做嗰行，要諗係咪做到老闆我至會做!」
張梓豪輟學後到父親投資的幸福樓打工，「爸爸只係投資者無落手搞……我自己先喺李鄭屋邨幸福做樓面，8,000蚊一份，收9厘人工…」是行內術語，即8,000元月薪、九折支薪。
首次做老闆蝕30萬
25歲那年，他自立門戶開了大角嘴豪門酒樓，「係頂番嚟做嘅，筆頂手費靠係借同埋碌咭透支得嚟，碰啱97金融風暴，無生意無錢交租，埋單輸廿幾三十萬」。堅信酒樓有得做，2000年他與拍檔夾份開了第一間彩福，行屋邨酒樓路線，2006年一個婚紗展，啟發他搶攻婚宴市場，「好好奇咁多人去酒店擺酒係咩原因，個個（酒樓同酒店）都係四幅牆，睇你掛咩上去，原來啲人演譯白色係浪漫、純潔同浪漫……」於是他將其中一間酒樓裝修，走西式路線弄出一個白色禮堂，將酒店擺酒模式引入中式酒樓，扭轉港人「酒樓擺酒唔夠高級」觀念，奠定張梓豪「婚宴達人」地位。
2011年，彩福正式改名譽宴，今日譽宴有7個點8間舖（黃大仙為一店兩舖），「上到市，感覺都幾好，之前都無諗過……」張梓豪說。做婚宴酒席生意的利潤如何？以譽宴為例，去年營業額3.04億元，純利2,223萬元。利潤率7.3%。假如一年有1.6至1.7萬圍酒席，成績算是不俗，大部份客人的消費是20至30圍每席8,000元。
記者：何凱兒
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24