愛華頓今季走咗莫耶斯改由馬天尼斯領軍，點知成績仲好。前日佢哋主場對富咸，憑奧士文、史密斯高文、巴利同米拿拉斯各入一粒，輕鬆贏4:1，開季後8勝7和1負，未計禮拜日賽果暫時排第4。美中不足係，佢哋嘅19歲巴塞借將迪路菲奧喺64分鐘因大腿受傷被抬離場，馬天尼斯賽後都話「新美斯」傷勢唔輕，好可能會唞一段時間。好彩拖肥唔係一人球隊，仲可以靠米拿拉斯、巴克里及盧卡古等人食糊，馬天尼斯先至冇咁驚咋。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange