【中環ifc】童愛玲近年專心相夫教子，主力照顧9歲囝囝Kyle，噚日佢單拖到中環ifc行街，身穿皮褸，披住豹紋圖案圍巾，戴上黑超同揹咗個萬幾蚊嘅Valentino窩釘手袋，一身名牌行頭咁行連卡佛。童愛玲發現有記者時，起初都有少少愕然，之後佢都好有禮貌咁打招呼，即匆匆入店巡視，但未見有所獲。其實童愛玲雖然已41歲，但身形體態都keep得好好，不過佢近年都甚少有幕前工作，數最近期就係客串咗李碧華系列嘅《迷離夜》電影。
採訪、攝影：羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！