香港嘅舊式茶樓周不時都見啲阿伯拎埋籠雀去，一邊嘆茶一邊撚雀，估唔到英格蘭老牌領隊哈利列納（圖）都有呢個嗜好。66歲嘅佢自爆近期愛上養雀仔，加埋有約30隻，朝朝早5點鐘就起身餵雀，唔餵到佢哋開心晒都唔願返工。每星期哈利叔都花40鎊（約500港元）買飼料，但以佢數百萬鎊計嘅年薪，濕濕碎啦。不過佢帶嘅昆士柏流浪，雖然上周六作客贏黑池2:0，𠵱家排英冠榜首，但升班唔係十拿九穩，我求大俠勸佢專心班波好過班雀啦。
足本收睇《亂噏24》x鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24