廖碧兒昨日到西九龍中心出席「梅艷芳四海一心」慈善義工日。近年轉戰內地賺人仔的廖碧兒，表示自己前晚才剛從內地回港：「啱啱返咗自己鄉下，同202圍人一齊食飯過冬，仲有睇吓個廖氏祠堂。」可有被催婚？廖碧兒即說：「冇，佢哋已經當咗我係男仔，我係首個可以入祠堂嘅女仔，佢哋知我之前拎咗個金牌（指國際釀紅酒比賽）光宗耀祖，又話我喺香港工作，要知自己鄉下喺邊，所以叫我返去，祠堂仲有我個名牌㖭。」廖碧兒今日將會返內地工作，而聖誕亦要於工作中度過，拍拖都沒時間，不過她就說：「工作去到3月，之後可能得，拍拖係開心事，不過自己唔急嘅。」
採訪、攝影：譚倩宜
足本收睇《亂噏24》x 鄭秀文@杜琪峯；DADA閃電復出後首次專訪！
周一至周五《亂噏24》約定你： http://bit.ly/appletalk24