電影《風暴》前晚在澳門舉行的《第56屆亞太影展》舉行開幕電影啟動禮，劉德華、姚晨、姜皓文和小演員陳沛妍盛裝出席，戲中飾演劉德華契女的陳沛妍與華仔一起做訪問，不知是否有新戲上映，向來甚少講家事的劉德華，被問到關於囡囡向蕙的問題時，竟然罕有地不再講「你哋乖啲喇！」
唔抗拒囡囡入行
事緣華仔提到小演員陳沛妍的性格雖然活潑，但竟然能夠飾演到自閉症的小朋友，大讚她演技好，記者趁機問他會否給囡囡入行？心情勁靚的華仔說：「呢啲嘢咁遠，遲啲再講，睇吓佢嘅取向。」再問若然囡囡有興趣呢？華仔稱這件事太遙遠了，但有記者笑稱時間過得很快，華仔笑說：「等佢10歲，我再答你哋！」追問囡囡平時有否表演天份，身旁的陳沛妍以為大家問她，於是天真地稱會，令在場忍不住笑出來，華仔立刻豎起手指公笑說：「我係咪教得好好呀？」接着對陳沛妍說：「如果下次有啲問題令到我尷尬，你幫我兜吓！」
採訪：張俊銘
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！