喺星期五嘅晨操後，鄭俊偉（Michael）就同埋一班記者搭車上虎門，究竟佢搞乜呢？唔通......大家唔使再估估吓啦！其實佢上去係因為老友兼「豐衣足食」馬主蕭楚基嗰度有新舖開張，所以 Michael就去做剪綵嘉賓，而同場仲有保良局總理兼「心有靈犀」馬主朱文忠。現場除咗剪綵外，仲有放砲竹和醒獅表演，出席完活動後，鄭俊偉就即返馬房做嘢，果然夠晒敬業。講番星期日賽事，鄭俊偉話「熱爆男」同「陽明星星」都有唔錯嘅機會；而蕭楚基就話自己隻「豐衣足食」評分偏高，希望到時落雨，增加機會。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange